صباح الورد
والفل
ويوم جديد علينا بالبركه بيهل
أبواب كتير متقفله
لكن الشبابيك مفتوحه
من وراها أمل
مواعد النهارده يطل
صباح الأبتسام
والأنسجــام
ويوم مبهج متلون بريشه رسام
صباح جميل
مهما نوصف
ونقول كلام
برضه قليل
صباح فواح
بريحه المنجه والبرتقان
والفراوله والتفاح
صباح شقاوه
سمار وحلاوه
ولاد معفرته
وبنات نقاوه
صباح حريه
تبقى يا بلادى حره
صبيه
وفى عمر الزمن أبديه
صباح الضى
على عيونك يابركه
يا نواره حتتنا
ياعم عبد الحى
صباح الخير
ابعتلنا رزقنا يارزاق
على جناحات الطير
صباح أشعار
حبه كلام جد
وكلام كتير هزار
صباح الملك لله
نعيش الفرح
والحزن ننساه
ونسافر فى ترحالنا
توكلانا فيه عليك يا كريم
يا رحيم
ياألله
09-07-09
هناك تعليقان (2):
لم اعرف لماذا تخليتك تلقى هذه الابيات الجميله
اتمنى لو ان تستطيع ان تسجلها بصوتك
فصوت الشاعر ينقل المشاعر و الاحاسيس بصوره جميله جدا
وبألقائك كانك وضعت ذلك البرواز الجميل على الصوره الرائعه
تسلم على الكلام الجميل يا فيلسوف :))
إرسال تعليق